Verkope

Ons oord is ’n lewensregbehuisingskema. Geen agentekommissie, oordrag- of prokureurskoste is betaalbaar nie. By beëindiging van lidmaatskap, word 80% van die verkoopprys aan u of u boedel terugbetaal. Die oord bepaal self jaarlikse prysverhogings en finale verkooppryse van eenhede om bekostigbare, markverwante pryse te verseker. Eenhede wissel in grootte van 28 tot 160m².

Kooppryse sluit die volgende in:

  • Prys bereken per vierkante meter van die betrokke wooneenheid (jongste tariewe by kantoor beskikbaar)
  • Verpligte lidmaatskap van die geregistreerde versorgingseenheid

Maandelikse heffing:

’n Maandelikse heffing word as volg saamgestel:

  • Basiese heffing soos bereken per vierkante meter van eenheid
  • Versorgingseenheidsheffing
  • Elektrisiteitsverbruik
  • Oorskryding van basiese waterverbruik
  • Middagetes

Die maandelikse heffing dek die volgende:

  • Sekuriteit 24 uur per dag
  • Basiese gesondheidsdienste 24 uur per dag
  • Munisipale belastings
  • Twee uur skoonmaakdiens per week
  • Versekering op die gebou (inwoners verseker self hul huisinhoud)
  • Instandhouding van die buitekant van die gebou
  • Sny van grasperk
  • Vullisverwydering
  • Basiese waterverbruik

Addisionele dienste aan inwoners, teen minimale koste:

  • Vervoerdiens na sakegebied elke Dinsdag en Donderdag
  • Voetsorg, bloeddruk- en suikertoetse, ens.
  • ’n Paniekknoppie wat 24 uur per dag aan die versorgingseenheid gekoppel is
  • Tuindiens
  • Washuisdiens
  
Copyright © 2016  ::  Oudtshoorn Retirement Village  •  Site by:  WebWorX